முழங்கால் மூட்டு மாற்று அறுவை சிகிச்சைKnee Replacement Surgery in Madurai

முழங்கால் மூட்டு மாற்று அறுவை சிகிச்சை என்றால் என்ன?

தேய்ந்து போன முழங்கால் மூட்டின் மேற்பரப்புகள் அகற்றப்பட்டு, அவற்றின் இடத்தில் உலோகமும் மருத்துவ பிளாஸ்டிக்கும் கொண்ட செயற்கை மூட்டு (implant) பொருத்தப்படுகிறது. ஆங்கிலத்தில் knee replacement. இதையே மூட்டு மாற்று அறுவை சிகிச்சை என்றும் சொல்வார்கள்.

முழங்கால் மூட்டு வலி: எப்போது மூட்டு மாற்று தேவை?

மூட்டு தேய்மானம் (osteoarthritis) முற்றிய நிலையில், மருந்துகள், பிசியோதெரபி, எடைக் குறைப்பு போதாதபோது பரிந்துரைக்கப்படுகிறது. நடப்பது, படி ஏறுவது, தரையில் உட்காருவது, இரவுத் தூக்கம் ஆகியவை வலியால் பாதிக்கப்படும்போது, X-ray பார்த்து டாக்டர் முடிவு செய்வார்.

முழங்கால் திடீரென வீங்கி, சிவந்து, காய்ச்சலுடன் வலித்தால், காத்திருக்காமல் மருத்துவமனைக்கு வாருங்கள். சுகபிரியா 24 மணி நேரமும் திறந்திருக்கிறது.

முழங்கால் வலி சிகிச்சை: அறுவை சிகிச்சை இல்லாமல்

தொடக்க நிலையில் இவையே பெரும்பாலும் போதும்:

• உடல் எடையைக் குறைத்தல்.
• தொடைத் தசைகளை வலுப்படுத்தும் பயிற்சிகள், பிசியோதெரபி.
• டாக்டர் எழுதித் தரும் வலி மருந்துகள்.
• சிலருக்கு மூட்டில் ஊசி (injection).

முழங்கால் மூட்டு தேய்மானம் வர காரணம்

வயது, உடல் எடை அதிகமாக இருப்பது, முன்பு மூட்டில் அடிபட்டது, முடக்கு வாதம் (rheumatoid arthritis), பரம்பரை ஆகியவை காரணமாகலாம். பெண்களுக்கு இது சற்று அதிகம்.

மூட்டு மாற்று அறுவை சிகிச்சை எப்படிச் செய்யப்படும்?

இடுப்புக்குக் கீழே மரத்துப்போகச் செய்யும் ஊசி (spinal anaesthesia) அல்லது மயக்க மருந்து தரப்படும். தேய்ந்த பகுதிகள் அகற்றப்பட்டு, செயற்கை மூட்டு பொருத்தப்படுகிறது. ஒரு முழங்காலுக்கா, இரண்டுக்குமா என்பதை உங்கள் உடல்நிலையைப் பொறுத்து அறுவை சிகிச்சை நிபுணர் விளக்குவார்.

அறுவை சிகிச்சைக்குப் பின்: பிசியோதெரபி

பெரும்பாலும் ஓரிரு நாட்களில் walker உதவியுடன் நடக்கத் தொடங்கலாம். தினமும் செய்யும் பிசியோதெரபிப் பயிற்சிகளே மூட்டு நன்றாக மடங்க உதவுகின்றன. சுகபிரியாவில் பிசியோதெரபியும் இருக்கிறது. அன்றாட வேலைகளுக்கு எப்போது திரும்பலாம் என்பதை டாக்டர் சொல்வார்.

குணமாக எவ்வளவு காலம் ஆகும்?

பலர் சில வாரங்களில் துணையின்றி நடக்கத் தொடங்குகிறார்கள். மூட்டு முழுமையாகப் பழக சில மாதங்கள் ஆகலாம். இது வயது, உடல்நிலை, பயிற்சிகளைப் பொறுத்து மாறும்.

எந்த டாக்டரைப் பார்க்க வேண்டும்?

எலும்பு, மூட்டு அறுவை சிகிச்சை நிபுணர் (Orthopaedic Surgeon). சுகபிரியாவில், நீண்ட அனுபவம் கொண்ட மூத்த எலும்பு, மூட்டு அறுவை சிகிச்சை நிபுணர்கள் இருக்கிறார்கள். வரும்போது முழங்கால் X-ray இருந்தால் கொண்டு வாருங்கள். டாக்டர் பார்க்கும் நேரத்தைத் தெரிந்துகொள்ள, எங்களை அழைக்கலாம்.