பித்தப்பை கல் அறுவை சிகிச்சைGallbladder Stone Surgery in Madurai

பித்தப்பை கல் என்றால் என்ன?

பித்தப்பை, கல்லீரலுக்குக் கீழே உள்ள சிறிய பை. செரிமானத்துக்கு உதவும் பித்தநீரை அது சேமித்து வைக்கிறது. அந்தப் பித்தநீர் கெட்டியாகி உருவாகும் சிறு கற்களே பித்தப்பை கற்கள் (gallstones).

பித்தப்பை கல் அறிகுறி

பலருக்கு எந்த அறிகுறியும் இருக்காது. சிலருக்கு, கொழுப்பு நிறைந்த உணவுக்குப் பிறகு மேல் வயிற்றின் வலது பக்கத்தில் வலி, குமட்டல், வாந்தி வரலாம்.

காய்ச்சலுடன் வலி இருந்தாலோ, கண்கள் மஞ்சளாக மாறினாலோ, காத்திருக்காமல் மருத்துவமனைக்கு வாருங்கள்.

பித்தப்பை கல் எதனால் வருகிறது?

பித்தநீரில் கொழுப்பு (cholesterol) அதிகமாகும்போது கற்கள் உருவாகின்றன. உடல் எடை அதிகமாக இருப்பது, மிக வேகமாக எடை குறைப்பது, வயது ஆகியவை வாய்ப்பைக் கூட்டுகின்றன. பெண்களுக்கு இது சற்று அதிகம்.

பித்தப்பை கல் கரைய உணவுகள் உண்டா?

உணவால் பித்தப்பை கற்கள் கரைவதில்லை. அறிகுறி இல்லாத கற்களுக்குப் பெரும்பாலும் சிகிச்சை தேவையில்லை. அறிகுறி தரும் கற்களுக்கு அறுவை சிகிச்சையே வழக்கமான தீர்வு.

கல்லின் அளவு முக்கியமா?

அளவை விட, கல் தரும் அறிகுறிகளே முக்கியம். சிறு கற்களும் தொந்தரவு தரலாம். Scan அறிக்கையுடன் டாக்டரிடம் கேட்பதே சரியான வழி.

பித்தப்பை கல் ஆபரேஷன் எப்படிச் செய்யப்படும்?

கற்களுடன் பித்தப்பையும் சேர்த்து நீக்கப்படுகிறது. இதை cholecystectomy என்பார்கள். கற்களை மட்டும் நீக்கினால் அவை மீண்டும் உருவாகும் என்பதால், இதுவே வழக்கமான முறை.

பித்தப்பை இல்லாமல் இயல்பாக வாழ முடியுமா?

முடியும். பித்தநீர் கல்லீரலில்தான் உருவாகிறது. பித்தப்பை நீக்கிய பிறகு, அது நேரடியாகக் குடலுக்குச் செல்கிறது.

அறுவை சிகிச்சைக்குப் பின் உணவு

தொடக்கத்தில் எண்ணெய், கொழுப்பு குறைவான, எளிதில் செரிக்கும் உணவு நல்லது. பிறகு படிப்படியாக வழக்கமான உணவுக்குத் திரும்பலாம்.

எந்த டாக்டரைப் பார்க்க வேண்டும்?

பொது அறுவை சிகிச்சை நிபுணர் (General Surgeon). சுகபிரியாவில், நீண்ட அனுபவம் கொண்ட மூத்த அறுவை சிகிச்சை நிபுணர்கள் இருக்கிறார்கள். டாக்டரின் நேரம் தெரிந்துகொள்ள, எங்களை அழைக்கலாம்.